ئەسسالامۇ ئەلەيكۇم، بىلىم يولىدا ئىزدەنگۈچى!
بۈگۈنكى خىرىسقا تولغان رىقابەتلىك جەمئىيىتىمىزدە ، مەلۇم بـىر ئارتۇقچىلىقىڭىز نۆۋىتى كەلگەندە سىزنىڭ رىقابەتچىلىرىڭىز ئۈستىدىن غالىب كېلىپ، تۇرمۇشىڭىزدا ئۆزگىرىش بولۇشىغا، ھەتتا كەلگۈسىڭىزنىڭ باشقىچە بولۇشىغا سەۋەب بولۇپ قېلىشى مۇمكىن.
كومپيۇتېر تېخنىكىسىنى ئەنە شـۇنداق ئارتۇقچىلىقلارنىڭ، ئەنە شۇنداق سەۋەبلەرنىڭ بىرى ئەمەس دەپ ئېيتالمايسىز، ئەلۋەتتە! ئۇزۇن يىل كومپيۇتېر مائارىپى بىلەن شۇغۇللىنىش جەريانىدا، كۆپ ساندىكى كىشىلەرنىڭ ۋاقىت، ئورۇن چەكلىمىسى تۈپەيلىدىن، كومپيۇتېر ئۆگىنىشى ئىزچىل كەينىگە تارتىلىپ كەلگەنلىكى، ھەم يەنە كومپيۇتېر بىلمەسلىكىدىن، نۇرغۇن پايدىلىق پۇرسەتلەرنى ئامالسىز قولدىن بېرىپ قويۇۋاتقانلىقى دىققىتىمىزنى تارتتى.
ئەنە شۇ خىل تەخىرسىز رېئاللىق بىزنىڭ سىزگە سۇنۇلۇۋاتقان بىر يۈرۈش كومپيۇتېر ئۆگىتىش يۇمشاق دېتاللىرىنى تۈزۈپ چىقىشىمىزغا ھەرىكەتلەندۈرگۈچ كۈچ بولدى. مۇشۇ ئەرزىمەس ئەمگىكىمىزدىن سىزگە ئازدۇر - كۆپتۇر نەپ يەتسە، تۇرمۇش ۋە خىزمەتلىرىڭىزگە قۇلايلىق ئېلىپ كېلەلىسە، بىزمۇ ھەم ئەمگىكىمىزدىن رازى بولغان بولار ئىدۇق.
