NexusFont بولسا Windows سۇپىسىدىكى بىر تۈرلۈك ھەقسىز فونت باشقۇرۇش قورالى، ئۇ فونتلارنى كۆرۈپ بېقىش، قاچىلاش، ئۆچۈرۈش قاتارلىقلار مەشغۇلاتلارنى ئېلىپ بارالايدۇ، بىر قېتىمدا نۇرغۇن فونتنى تەڭ سېلىشتۇرغىلى بولىدۇ، فونت ئۈچۈن خەتكۈش(Tag) بەلگىلەپ قويۇپ، كېيىن لازىم بولغاندا ناھايىتى قولايلىق ھالدا ئىزدەپ تېپىشقا بولىدۇ، تەكرار فونتلارنى ئىزدەش، بېسىپ چىقىرىش، رەسىم شەكلىدە چىقىرىش، فونتلارغا باشقىدىن نام قويۇش قاتارلىق كۆپ خىل ئالاھىدىلىكلىرى بىلەن، بىر تۈرلۈك قولدىن بېرىپ قويۇشقا بولمايدىغان فونت باشقۇرۇش يۇمشاق دېتالى بولۇپ ھېسابلىنىدۇ…
NexusFont فونت باشقۇرغۇچىسىنىڭ ئالاھىدىلىكلىرى:
NexusFont نىڭ ئەڭ چوڭ ئالاھىدىلىكى بولسا، تۈر توپلىمى(Set)، خەتكۈش(Tag) ۋە Set بىلەن Tag نى باغلاشتۇرۇپ ئىشلىتىشنى قوللايدۇ، Tag ئارقىلىق تېز سۈرئەتتە ھۆججەتلەرگە فىلتىرلەش ئېلىپ بارغىلى بولىدۇ، ئەلۋەتتە، NexusFont يەنە كۆپ خىل تىللىق يۇمشاق دېتال بولۇپ، ئۇيغۇرچىلاشتۇرۇپمۇ ئىشلىتەلەيمىز.
NexusFont فونتلارنى ئوخشىمىغان پاسون ۋە رەڭدە تەقلىدىي كۆرسىتىپ بېرەلەيدۇ، بەلگىلەنگەن تېكىستنى كىرگۈزسەك، شۇ تېكىستنىڭ ھەر خىل فونتلاردىكى كۆرۈنىشىنى چىقىرىپ بېرەلەيدۇ.
NexusFont يەنە كومپيۇتېردىكى تەكرار فونتلارنى ئىزدەش ئىقتىدارىنىمۇ تەمىنلىگەن.
باشقا ئالاھىدىلىكلىرى:
كۆرۈنمە يۈزى ئاددى ۋە كۆركەم؛
فونت قاچىلىغان چاغدا فونتنى سېستىمىدىكى Fonts ھۆججەتخانىسىغا قاچىلاش ياكى ھازىرقى ئورنىدا قويۇپ تۇرۇپ سېستىمىدا قوللىنىشنى تاللىغلى بولىدۇ؛
ھەقسىز ھەم قاچىلاش ھاجەتسىز بولۇپ، سېستىمىنىڭ تىزىملاش جەدۋېلىگە ھېچقانداق ئۇچۇر يازمايدۇ؛
سىز فونتلىرىڭىزنى NexusFont نىڭ ئىچىگە قويۇپلا ئىشلىتەلەيسىز، سېستىمىغا قاچىلاش ھاجەتسىز، بارماقدېسكىغا كۆچۈرۈپ ئىشلەتسىڭىز، فونتلىرىڭىز نەگىلا بارسىڭىز كەينىڭىزدىن ئەگىشىپ ماڭىدۇ؛
پرېستىن يېشىش پارولى: www.tedbirkar.net
ئالاھىدە ئەسكەرتىش : بېكىتىمىز ئەسەرلىرى (دەرسلىك، ماقالە، تەرجىمە، يۇمشاق دېتال قاتارلىقلار) باشقا تور بېكەتلەردە ئېلان قىلىنماقچى بولسا، چوقۇم مەنبەسى، ئاپتورى، تەرجىمە ئاپتورى، تەييارلىغۇچى قاتارلىق ئىگىدارچىلىق ھوقۇقىغا ئائىت ئۇچۇرلار ئېنىق ئەسكەرتىلگەن ھالدا ئېلان قىلىنىشىنى قەتئىي تەلەپ قىلىمىز.
